Select Your Style

Choose your layout

Color scheme

7 علامات بتعرف انت في علاقه rebound

بعد انتهاء اي علاقه عاطفيه وخصوصا لو كان انتهاءها بمشاكل او طرف ترك من غير تبرير. بيحصل تذبذب في المشاعر واحساس بعدم الثقه مؤقتا وانك اترفضت او مكنتش مناسب كفايه وهكذا -طبعا مش لازم تكون كل مشاعر واقعيا صح -ولكن نتيجه الموقف و الصدمه

فالنتيجه:

عايز تثبت لنفسك انك لسه مرغوب .. محبوب .. و اللي خسر دلعنا واهتمامنا فتدخل في علاقه جديده -ملهاش علاقه -بتحب او لا لكن علاقه تزود فيها ثقتك من غير قصد

فتفتكر انك هتكون مبسوط وهتنسي وجعك ولكن الحقيقه واللي الكتير بيحصل بتتوجع وتوجع الطرف الجديد وخصوصا لو هو فعلا كويس جدا ومناسب ليك ...

علامات انك في #rebound

١-دخلت في علاقه بسرعه سواء لعب او جد بعد انتهاء علاقه الاولي

٢-حاجات اللي وجعتك في علاقتك الاولي عايز توجع بيها الجديد -دا بيتم لا وعيا -انت مش بتقصد بس كتر وجعك هو اللي بيتحكم فيك ..

٣-الطرف القديم اللي كان بيضايقك معاه هتبقي عايز تعمله في الجديد ودا طبعا -لاوعيا-منك

٤-مقارنه دايما ما بين القديم و الجديد علشان عايز تثبت انك اخدت الافضل والاحسن

٥-اخدت طرف جديد علشان تضايق القديم -وهتقوله اهو عرفت اتجاوز وعايش حياتي

٦-بتابع لسه القديم ومكمل مع الجديد

٧-عايز اهتمام من الجديد وبس وانت مستقبل فقط مفيش اهتمام منك ليه او كلما لما تهتم كأنك سايب المهمه عليه هو

النهايه :

هتخسر نفسك والجديد وهتوه اكتر واكتر ولو انت مش مدرك لحالتك هتروح تدور علي شخص جديد غيره وتكمل مهمتك عادي وانت مش عارف ان حل مشكله بدايه من عندك ...

#العلاقات_العاطفيه

بيحصل فيها كتير ممكن تكون حبتها فعلا او ممكن يكون تعود وتعلق طالما قفلت صفحه في حياتك وانت عارف كان فيها اذي ليك او مش مناسبه متبصيش تاني عليها هتاخد وقتها وهتتنسي

خد وقتك مشاعرك مش حجر. خليها تتعافي وفي نفس الوقت مترجعيش للقديم علشان جرحك ميزيدتش

وبلاش تدخل في اي علاقه سواء لعب او جد خالص لغايه ما تتعافي طيب هنعرف ازاي انك اتعافيت

لما القديم تفتكره ذاكره فقط لكن مشاعر بردت او مش بنفس قوتها في الاول...

لما هيحصل تعافي هتعرف تختار الصح وتحافظ عليه عكس كده الصح هيكون قدامك وهتظلمه وهتظلم نفسك

ادي لمشاعرك وقت ...ولنا في الحديث. بقيه

No Comments

Give a comment

arArabic